دق الخطر عالبواب    بعتم الإيام الصعبي 
صار ينادي تراب الأرض    قوم و دافع يا شعبي 
لعيونك يا تراب الأرز     شعبك واقف وقفة عز 
يمكن يا ترابي تهتز    لكن ما بتنقص حبّي 
-هب الشرقي و البارود   و الحرب الهماجية
خلي عينك عالحدود   و عالأرزة اللبنانية 
(ليبقى تراب الجنوب   و يعلى رمح الحرية 
خلي مجد الأرز يصير   بوجه الغاصب حربِة)
-يا شعب بلادي الجبّار   قاوم حتى النهاية
بالكلمة و حبر الأفكار   بالحكمة و بالهداية 
قاوم بالنور و بالنار    و ضلك للمجد حكاية 
و شعب لتعمد بالغار   إن دق الخطر بلبي
-بحر و بر جرود جبال   يرعد صوت المدافع 
بيّ لإبنو يقول نزال    حمول البارودة  ودافع 
و لا يهمك هودي الأهوال و لا جمر الحقد الوالع 
ما بيتعمر إستقالال  إلَا عالصخرة الصلبة.