أوبريت الأرز

قبل الحرف والعِلم قبل الصفر والرّقم


قبل الحرب قبل السلم قبل العدل قبل الظلم

قبل الوقت قبل الزمان وْمن قبل ما يْكون اللي كان

كنتي حلم للعنفوان وابتدا فيكي الحلم..

أوَّل ما طَلّ النور صَوبٍك ركض غَمْرِك

هَبّ الهوا بخّور صار النَفَس عطرِك

عمر الزمن محفور زنّــار عَ خصرِك

ودْهور خلف دْهور اجتمعو سَوا بْعمرِك

مذهب

يا خضرا يا إمّ الزمن يا جْبين ع الدنيي عِلي

قلب العَلَم تاج الوطن ع رواحنا تْرابِك غِلي..

إنتي ال بيإيد مْن السما بْهالأرض مزروعة

رْسَمْنا حدودِك بالدِما وْصار الحلم يوعى

وْصرنا غصونك نرْسِما ع قْماش مطبوعة

رايات ع كْتاف الحِمى ع الغيم مرفوعة..

بْتخلص دني بْتبدا دني وْإنتي بْخُلودِك هَون

يا شامخة وْما بْتنحني للمجد صرتي اللون

يا شاهدِة بْروحِك.. وبْفَيِّة شْـلوحِك.. أوَّل بداية كَــون..

يا رمز وحْدتن ع الشمس عِلْيانِة رْفيقة بغربتنا وْبالقلب منصانِة

منغيب ومنرجَع حْواليكي نتجمَّع

والسيف عم يلمَع والزند لبناني..

وحيـاة عـزّك والهَـوا البيغِلّ بغْصونِـك

بهالأرض رح نبقى سَوا نْعَلّي بِنى حْصونِك

وْيوم النِدا بصْفوف ع الموت نمشي ألوف

ونهر البطولة يْطوف برْجال بتْصونِــك..

ضلّي.. بيهالعالي ما بتنطالي وْعزّك منصان..

كل البدّو يْكون عندِك كان.. قبل الزمان..

صرتي العنوان.. عنوان شعب اختار

إسمك رمز تَصار نور وْكرامِة وْنار

عنوان للبنان.. عنوان للبنان..

وان هَبّ ليل المعركِـة وْطَلّ التحدّي يْريدنا


وللنار بيصير الحكي بتزلـغـط بْـواريدنــا

وان يوم يندَهنا النِدا لأجلِك يا عزّ بْلادِنا

لعْيونِك يْطيب الفِدا بأرواحِنا ووْلادِنا

فوق تْرابك سهل وْجبل يسقط بطل ينبت بطل

لا تخافي يا إمّ الأزل ما الموت لعبِة بْإيدنـا..

أغاني
للاستماع للاستماع مع الكلمات إسم الاغنية
إضغط هنا أجيال تسلم أجيال
إضغط هنا اسمك صار الحرية
إضغط هنا اشرفية البداية
إضغط هنا التاريخ رتجف
إضغط هنا النشيد الوطني اللبناني
إستطلاع
مجلة آفاق الشباب
عدد استثنائي