وجه الرفيق طوني درويش عبر صفحته على "الفايسبوك" تحية الى روح سينتيا زريبي في ذكرى وفاتها:

آلو سينتيا!
كنت عم جرب اتصل فيكي من فترة
بس ما عم تعلق ضغط كتير عل الخطوط بين السما والأرض هالمدة
ما بعرف ليش نهار الي خلصت الانتخابات ومن بعدا وقت كنا عم نحتفل بالنصر بمعراب خطرتي على بالي وقلت ضيعانك ما تكوني معنا بهل استحقاق انتي الي ما كنتي تخلي مناسبة قواتية تعتب عليكي...
سامحيني اتأخرت ت احكيكي ...
ااا انتو احتفلتو فوق كمان ؟ وكانت السما مش سايعتكن من الفرح؟ خي بسطيني بهالخبرية
القوات منيحا وجابت رقم حلو بالانتخابات وهلق متل العادي عم يجربو يحجموا ويعزلوا
الحكيم كتير منيح وكان كتير مبسوط من النتيجة وما تخافي عليه صلب متل العادي ..اكيد رح وصلو سلامك
نحنا هون كلنا مناح تجوزنا وصار عنا ولاد ..بعرف ما لحقتي تشوفين بس بكرا رح يحبوكي ع محبتنا ودايماً منتذكرك ومنصليلك
معليش ما تزعلي انك مش معنا عل قليلي رح تبقي صبية حلوة مش رح تختيري
صدقيني الدني هون كانت بتلبقلك بس السما بتلبقلك اكتر
انا رح سلملك عل الكل هون وانتي كمان سلمي ع
كل الي فوق...

Cynthia Zraiby🙏