بشكرك يا بشير...
مساحة حرة AUG 23, 2015
بشكرك لأنك حكيت بوطن عندو كرامة، وبناس قلبا على وطن. بشكرك لأنك ولا مرة خفت تقول الحقيقة وولا مرة تركت مجال لحدا يحلل أي كلمة كنت تقولا. بشكرك لأنك كنت مقاتل متلك متل الرجال لي كنت تقودن وبالنهاية لي صابن صابك. بشكرك لأنك وحدت البندقية المسيحية اللبنانية وقلت "ممنوع قايين يقتل خيو هابيل". بشكرك على هيبتك وعنفوانك وغيرتك على أهل بيتك وبيئتك. بشكرك لأنك ما تنازلت عن حلمك وحلمنا ﻵخر نفس وطالبت بلبنان حر بكل شبر.

بشكرك لأني من ورا ربي ومن وراك عرفت وتأكدت إنو لبنان رسالة ونموذج للعالم ليعلمو كيف بيكونوا المسيحيين، وكيف بيولدوا القديسين وشو بتكون قضيتهم ، وكيف بيكون الشرف والوفا لله والوطن...

بعرف إنو شعب لبنان بكي يوم استشهادك، بس بوقتا ما بكي إلا على حالو وعلى خسارتو، لأنو لليوم عرفنا إنو ما في بشير تاني. وبالنهاية بشكرك لأنك الوحيد لي حفظت الأمانة المسيحية اللبنانية والوحيد لي ما كنت تقبل إنو حقنا يضيع... عظم الله أجرك!
مساحة حرة AUG 23, 2015
إستطلاع
مجلة آفاق الشباب
عدد استثنائي
إقرأ المزيد