بلدنا اسمو لبنان وإسمو معناتو بخور
لازم كل يوم نشمّو من عشية أو ع السّحور
بالقداس وعالآذان المسيحيي والإسلام
بس هالبخور تغيّر وطلّع ريحة مش معقول
تتقبلها وتتنشقها وصار يمكن اسمو "بابور"
بنزين زبالة ومازوت والريحة ل منها بتموت
من صيدا وصور وجزين المينا طرابلس وبياقوت
وباقي ضياعنا ل ما بتموت
قضيوا عليها وعالشّربين الشّوح وأشجار البلّوط
***
لو فيهم لو ما في عيب يتخطّوا حدود الأجداد
كانوا قضيوا ع الأرزات وع الرمز ل منّو البلاد
استوحت أفكارا منّو وعملتّو رمز الأولاد
ل وعيوا وشبّوا وصاروا كبار ونسيوا تاريخ الأمجاد
***
لبنان ل حسنو معروف واصل صيتو ع المريخ
صاير من ضعفو مكشوف وأصبح مسخرة التاريخ
صغير كبير عيونن فيه ومش باقيع أرضو شي
لا ع حدودو ملاقي حلّ ولا العالم عنو بحلّ
***
أوعوا وشوفوا من لبنان صاروا ثلاتة قديسين
خلّونا نرجعو منصان ونرجع ناكل خير سنين
